@ 【真KOL • 真影片 • 都係詐騙？】
「立即點擊，免費獲取《AI股票工具》」
你有無見過以上類似嘅對白同廣告？
有一種詐騙廣告，片中嘅KOL係真，影片內容亦係真，但係一旦點擊咗個廣告後，就會跌入騙徒嘅圈套 。事實係騙徒會盜用真實KOL嘅影片嚟呃你入局。
其中一宗真實案例，提醒身邊嘅人啦
一名退休人士在 Facebook 點擊一則關於股票投資嘅帖文後，按指示輸入聯絡資料。不久，一名自稱著名財經專家嘅騙徒主動聯絡事主，並維持兩個月嘅「友好交流」，令事主逐漸放下戒心。之後，騙徒表示其團隊可代為操盤管理投資，保證高回報、低風險，更多次指示事主將資金轉帳至指定銀行戶口。事主先後多次過數，累計損失逾165萬元。
緊記：若懷疑受騙，即打「防騙易18222」熱線
「防騙三寶」：收線、核實、搵求助，以防被騙
@ 
@