@ 
由離島民政處主辦，香港消防處、離島區防火委員會同消防處社區應急先鋒名譽會長會（離島區）合辦嘅「離島社區防災應急推廣日2026」喺尋日（29/3）於東涌東海濱長廊舉行，吸引咗超過6000名市民參加。
活動嘅主禮嘉賓包括署理離島民政專員莫望塵、消防處大嶼山區指揮官李偉昌、救護監督（大嶼山）歐陽宏建、消防處社區應急先鋒名譽會長會（離島區）主席黃文漢、離島區防火委員會主席王舜義、副主席黃頌行、土木工程拓展署南拓展及可持續大嶼辦事處副處長鄭雅思等。
今次推廣日既保留過往受歡迎嘅活動，亦加入咗全新嘅元素，內容非常豐富，包括消防處儀仗隊表演、海上救援、災難應變救援隊同埋搜救犬示範、模擬火災逃生迷宮，仲有消防車、救護車、滅火輪及防災體驗車展示，同埋各式攤位遊戲。
現場亦有設計精美嘅打卡佈景板同迷你救護車，小朋友可以試着消防員同救護員嘅制服，仲可以用VR模擬喺直升機執行救援任務。大家玩得盡興之餘，亦學到唔少防災應急知識，一齊度過有意義又愉快嘅周末。
@ 
@