@ 
昨日(3月29日)九龍城區道路安全運動委員會於九龍城賈炳達道公園足球場舉行嘅嘉年華節目非常精彩，除咗有多位重量級嘅主禮嘉賓到場祝賀之外，亦邀請到交通安全吉祥物「熊Sir」出場。向大家宣傳交通安全知識。
另外亦藉此機會，頒發獎項給予「九龍城區道路安全運動填色繪畫及標語創作比賽」嘅得奬者。同時將充滿交通安全元素及藝術色彩的得奬作品展示給現場觀眾欣賞。
除此之外，嘉年華有多達十多個攤位遊戲、展覽及表演。除咗有小朋友最鍾意嘅大型充氣彈床、仲有跳舞表演、中國鼓、警犬表演等，仲有豐富嘅禮品贈送。懷舊軟雪糕、棉花糖等更加唔少得。現場參觀嘅街坊朋友們、小朋友們，個個都樂而忘返。個個滿載而歸，帶住歡笑同交通安全嘅訊息回家。達致「路上0意外，香港人人愛」！！！
最後非常感謝九龍城區少年警訊、九龍城區耆樂警訊、香港交通安全隊西九龍總區、香港聖約翰救護機構、西九龍防止罪案辦公室、香港聖德肋撒醫院兒科部、九龍交通部道路安全組、警察魔術學會、警犬隊、中華電力有限公司、驕陽魔術氣球義工隊、以及九龍城區既學校，包括明我幼稚園(奧運校)交通安全隊幼兒隊、太陽島英文幼稚園、聖公會聖匠小學、九龍塘學校(中學部)同順德聯誼總會胡兆熾中學當日為嘉年華付出汗水。
@ 
@