@ 
清明顯孝心 ，防止山火要留心！
為推廣並加強市民嘅防火意識 ，北區防火委員會喺21/3同28/3一連兩個星期六，聯同消防處代表 同消防處社區應急先鋒名譽會長會（北區） ，進行咗兩場宣傳防止山火活動 。北區防火委員會主席李聖潑、副主席楊文聰及 消防處分區指揮官（新界北）黃宏亮均出席支持活動。
委員同義工喺和合石墳場 及粉嶺聯和墟向掃墓人士及市民派發防止山火宣傳單張 同防火紀念品，亦安排咗宣傳車 播放防止山火信息， 提醒掃墓人士喺清明節期間要小心處理火種，以免發生山火 。
為加強居民嘅防火意識 ，早前委員會已經喺北區鄉郊 及市區 多個位置懸掛宣傳防止山火及家居防火橫額。
大家記得要同心協力，時刻做好防火工作 ！北區零山火，全靠你共我 ！
