@ 
臨近清明節，為配合眾孝子賢孫前往掃墓祭祖 ，大埔民政處除咗喺認可殯葬區鄰近位置預先進行剪草 工作，亦與大埔區防火委員會合辦「清明節預防山火暨漁排防火活動」，提高掃墓人士、村民及使用漁排人士嘅防火安全意識 。
3月29日，大埔區防火委員會聯同大埔消防局、大埔東消防局及社區應急先鋒名譽會長會（大埔區） ，以及一眾大埔區社區應急先鋒到聯益漁村、三門仔新村及三門仔漁排 舉辦防火講座 ，講解家居及漁排防火注意事項，並介紹如何使用各種防火工具 。一眾村民及掃墓人士 都非常用心聆聽講解同學習。講座後，一行人向前往殯葬區嘅掃墓人士派發防火宣傳單張及急救包紀念品 ，提醒佢哋喺節日期間注意防火安全。
同日，一眾委員及會長再到黃宜坳一帶，向區內居民及掃墓人士派發防止山火宣傳單張及紀念品 ，獲市民積極響應。
提升社區整體防火防災意識，需要市民同眾委員喺各自嘅崗位上攜手協力。無論重要節日定係平日，大家都可以透過不同人際網絡 ，將防火防災信息廣傳 。
