@ 
由北區足球會主辦、北區民政處協辦嘅「鯤鵬盃2026 丙午年賀歲足球友誼賽」已於過去嘅周日（29/3）圓滿舉行 ！鯤鵬盃唔單止係一場足球友誼賽，更成為連結政府部門與地區社群嘅重要橋樑 ，促進彼此之間嘅聯繫、互動與交流 。活動同時大力推廣有益身心嘅運動文化 ，鼓勵廣大市民積極參與體育活動，活出健康生活 ！
今次賽事吸引咗13支來自不同政府部門及地區機構嘅球隊參與 ，包括北區民政事務處、北區足球會、香港警務處（大埔警區及邊界警區） 、香港消防處（新界北） 、香港海關、入境事務處、懲教署、土木工程拓展署（北拓展處） 、康樂及文化事務署 、食物環境衞生署、房屋署 及北區醫院 。球場上充滿活力與熱情 ，球員以精湛球技切磋交流，以球會友，充分展現社區之間嘅深厚情誼 。
北區民政專員卓穎然、中聯辦新界工作部處長裴泳翔、北區足球會主席朱浩賢、北區足球會榮譽會長兼活動發起人侯金林，以及多位政府部門代表同社會賢達親臨現場，為開球禮主禮 ，並一同見證一眾球員嘅運動精神與團隊風采 ，為各支球隊加油打氣，令全場氣氛更加熾熱 ！
經過一番激烈角逐，最終由懲教署 勇奪會長金盃冠軍，而亞軍及季軍分別由北區足球會 及香港消防處（新界北） 奪得。恭喜所有得獎隊伍！ 你哋喺球場上展現嘅拼搏精神 、團結默契同運動風範，正係社區力量嘅最佳寫照 。感謝大家一同為北區注入更多活力與溫暖 ！
