北區青年去完南洋返嚟喇

北區青年網絡「北極虹」5日4夜新加坡交流團喺上星期順利完成，北區民政助理專員區婧琳帶住20位虹仔虹女滿載而歸！

所有團友都係首次去新加坡。佢哋參觀咗魚尾獅公園、新加坡城市規劃館同讚美教堂等地標，亦拜訪香港駐新加坡經貿辦，了解政府喺東南亞推廣香港嘅工作，仲到新加坡管理大學同新加坡全國青年理事會，參觀並同青年交流，開拓虹仔虹女嘅國際視野，以及對多元文化嘅認識同理解。

交流團只得短短幾日，但團友都覺得行程同收穫非常豐富，除咗畀一眾虹仔虹女識到新朋友外，更提升溝通、解決問題、團隊管理等社交能力！