@ 
為迎接第十一個「全民國家安全教育日」，離島民政處聯同離島區青年發展及公民教育委員會、離島區青年發展網絡及新界青年聯會，喺12/4舉辦 「離島區國安競技挑戰賽」 ，用生動有趣嘅方式，宣揚國家安全嘅知識。
比賽當日，嚟自離島區12間中小學、超過150位同學，合共34支隊伍，透過一系列結合競技及問答嘅團隊比賽，爭奪決賽名額。決賽由新界青年聯會副主席周元谷聯同兩位離島區青年發展網絡成員一齊主持。決賽場上，各隊伍既要鬥快完成競技遊戲，又要答啱國安問題搶分，真係鬥智鬥力，現場氣氛緊張又刺激！最後，中聯辦新界工作部副處長吳家浩、離島民政助理專員莫望塵、警務處大嶼山警區指揮官李祖銘同一眾主禮嘉賓頒獎畀得獎隊伍同學校，為比賽畫上圓滿句號。
離島民政處會繼續做好國家安全教育、宣傳同推廣嘅工作，提高社區嘅國家安全意識，齊心守護國家安全，推動香港社會持續穩定、健康發展。
@ 
@