@ 
為咗將防騙訊息傳至每一個角落， 葵青警區已經喺區內 18 個公共屋邨、合共 163 個電視屏幕，播放四段防騙宣傳片，將最新，最流行嘅防騙手法提醒居民，實行「全方位、無孔不入」咁提醒大家要提高警覺！
喺呢四段片入面，有兩段更加係由葵青警區親自操刀製作，內容特別針對近期嘅 Carousell 網購騙案同埋假冒水務署騙案 。最驚喜嘅係，呢兩段「自家製」宣傳片仲請嚟我哋葵青區嘅兩位代表粉墨登場，分別係活力十足嘅少年警訊會員婷婷，同埋經驗豐富嘅耆樂警訊會員葉少雄（四哥）！佢哋用最貼地嘅方式演繹騙徒手法，等各位街坊睇得投入之餘，亦能一眼識穿騙局！
大家喺屋邨大堂或者升降機等位嗰陣，記得抬頭望吓個電視屏幕，捕獲吓佢哋「星蹤」呀！
