屯門區「成功有約」計劃 – 外展訓練營

要成功就要敢於接受挑戰，走出comfort zone！屯門民政處同屯門區青年發展及公民教育委員會喺26-28/8舉辦咗3日2夜嘅「成功有約」屯門區青年自我挑戰及獎勵計劃 - 外展訓練營，鼓勵青年挑戰自我、學習新技能，更加要建立團隊精神，攜手並肩跨越重重難關。

學員用汗水同毅力完成一個又一個看似不可能嘅任務，包括高空繩網、高處跳海、同划獨木舟等。喺結業典禮上，學員一齊回顧呢幾日嘅難忘時刻，大家都話今次嘅經歷畢生難忘，對學習同成長路上有好大得益，仲話會珍惜從中建立嘅互助互信、互勵互勉嘅友誼！