@ 
過去一年，荃灣民政處積極透過「地區主導行動計劃」，聯同多個政府部門齊心協力，針對區內環境衞生及大廈安全推行咗一系列工作，致力提升荃灣居民嘅生活質素：
1. 全面防治蚊鼠及加強清潔
荃灣民政處針對區內街道、公園及鄉村等地方，統籌多次防治蚊鼠及清潔行動，除咗清洗街道黑點同噴灑蚊油外，亦放置滅蚊器及老鼠籠。此外，亦定期聯同食環署舉辦專題展覽，並派發宣傳單張及防蚊清潔包，務求從宣傳教育及實際行動兩方面，全方位加強社區嘅防範蚊患鼠害意識。
2. 嚴厲打擊店鋪阻街
為保障行人路暢通，民政處定期與相關執法部門進行聯合行動。採取「先勸喻、後執法」嘅模式，向商戶講解相關法例並要求即時移走阻礙物或違規地台，透過持續監察，確保市民享有寬敞安全嘅行人空間。
3. 清理違泊單車及棄置車輛
針對長期佔用公用空間嘅違泊單車及棄置車輛，民政處定期統籌跨部門行動進行清理。過去一年，共清理超過 500部單車同5架棄置車輛。除咗執法外，亦喺區內懸掛宣傳橫額，提醒市民切勿隨意停泊單車，共同維護道路使用者及行人嘅安全 。
4. 加強支援「三無大廈」及舊式樓宇
改善舊樓居住環境係大家工作嘅重中之重。過去一年，民政處為區內「三無大廈」提供超過400次清潔服務，範圍涵蓋天台、樓梯、走廊等公用地方。此外，為提升居民嘅防火安全意識，製作並派發咗 500套「防火應急四寶」，並透過家訪、講座及消防演習，全面提高住戶嘅家居消防安全意識。
展望未來，荃灣民政處會繼續同區議會、地區三會、關愛隊及各部門通力合作 ，同大家一齊建設更舒適、更宜居嘅荃灣社區！
@ 