@ 
昨日（28日）青衣真係熱鬧到爆棚呀！ 「18 區日夜都繽紛 @ 葵青戲棚傳統文化節 2026」昨日正式揭開序幕！葵青警區指揮官黃宏業先生亦獲邀請同一眾主禮嘉賓，一齊參與呢個重要時刻。
昨日亦都係「真君誕」嘅第一日！呢份已經列入「香港非物質文化遺產」嘅盛事，年年都係青衣街坊最期待嘅大日子 。現場有大戲睇、有美食，仲有超濃厚嘅節慶氣氛！
喺咁開心嘅節日入面，又點少得葵青警區呢？已經喺現場 Set 好咗防騙攤位等大家！ 睇大戲之餘，記得過嚟玩返轉防騙遊戲，增強吓自己嘅「防騙抗體」！
大家快啲約埋親戚朋友、隔籬鄰舍，一齊嚟青衣戲棚感受傳統文化，順便過嚟葵青警區個攤位攞獎品啦！
