@ 
一年一度嘅油麻地特色盛事「榕樹頭節」喺尋日（1/5）舉行，適逢勞動節假期，吸引咗大批遊客及街坊參與，現場氣氛熱烈。
民政及青年事務局副局長梁宏正、勞工及福利局副局長何啟明、油尖旺民政專員李家維、中聯辦九龍工作部副處長梁偉健、多名立法會議員、政府部門代表及地區領袖，仲有主辦方油麻地街坊會理事長張家豪同副理事長兼活動召集人歐天賜等都為今次精彩活動擔任主禮嘉賓。
今年繼續有好受歡迎嘅「扮鬼扮馬」果欄木頭車同擔挑競賽，仲有豐富嘅文化表演 ，例如民族歌舞、四川變臉、少林功夫等等。參加者仲可以參與油麻地互動深度遊同油麻地特色嘉年華等；主辦單位今年特別引入以油尖旺景點做主題嘅AI 文創打印機，可以即時將照片打印成襟章紀念品，全方位體驗油麻地嘅獨特魅力。另外，活動亦設敬老盆菜宴，體現社區聯繫及關懷。
