@ 
日前（4/5），葵青民政專員梁乘龍、葵青區青年發展及公民教育委員會主席黃定康及葵青區青年社區建設委員會主席馬家駿帶領一眾委員到訪位於青衣嘅愛護動物協會賽馬會百周年中心（愛協青衣中心）參觀交流，一齊了解動物福利、動物保護及人寵共融嘅工作！
深入了解•由心出發
愛協青衣中心於2024年正式啓用，由香港賽馬會慈善信託基金捐助支持，係一座五層高嘅綜合動物福利設施，內設新界最大型動物醫院，亦係愛協推動動物福利、教育及社區服務嘅重要基地。喺香港賽馬會及愛協代表帶領下，專員同青年委員走訪咗中心多項設施，親身認識愛協嘅日常工作，當中包括：
-「SPCA 護動學堂」：走進香港首個以動物福利為主題嘅沉浸式互動教室，透過創新方式認識愛護動物及尊重生命嘅信息。
-領養中心與訓練場地：近距離探訪待領養嘅貓貓、狗狗及其他小動物，了解領養、照顧及行為訓練背後嘅心思與專業。
-幕後守護者：參觀接管部及檢核部，認識前線同事喺動物救援、接收及照顧方面嘅工作。
青年力量•傳遞理念
感謝香港賽馬會及愛護動物協會嘅接待同安排，畀青年委員更深入了解動物福利工作及賽馬會喺社區服務方面嘅持續貢獻，度過咗一個充實又有意義嘅上午。透過今次參觀，青年委員加深咗對動物保護工作嘅認識，亦了解到愛護動物工作嘅生涯規劃。期望大家將所見所學帶到社區，鼓勵更多青年一齊關心動物福利，推動葵青區成為更「動物友善」、更有愛嘅社區！
@ 
@