@ 
灣仔海濱長廊近日出現咗50支復古街燈，充滿懷舊風味，加埋維港海景，拎起手機隨便一拍，都可以影到靚相！加上夕陽餘暉，更添情調，非常適合攝影發燒友同市民旅客嚟影相打卡！
民政及青年事務局嘅Alice局長同Clarence副局噚日出席完嘉許計劃頒獎典禮，順道到灣仔海濱長廊欣賞灣仔民政處新設置嘅「閃爍燈影耀灣仔」裝置，現場有唔少市民遊客吹住海風喺海濱散步，拎住手機捕捉美景，佢哋都大讚復古街燈裝置有心思，充滿老香港情懷，加埋日落同海景，真係好有氣氛！
局長話，除咗灣仔區，18區民政處亦喺全港各區設置打卡點，等大家可以欣賞區內特色，仲預告嚟緊9月，九龍城民政處將會喺啟德車站廣場佈置新打卡點，大家記得留意呀！
「閃爍燈影耀灣仔@灣仔區」活動詳情：
地點：灣仔「水上運動及康樂主題區」海濱站列車前方
日期：即日起至2025年1月31日
亮燈時間：每晚6時至10時
@ 
@