@ 
今日5月7日，荃灣警民關係組深入區內的「三無大廈」（即無業主立案法團、無管理公司、無保安員），展開防爆竊宣傳行動！
行動中，人員走訪楊屋道、四陂坊及兆和街一帶「三無大廈」，派發防罪單張，提醒大家記得閂好門窗、妥善保管財物，唔好因一時疏忽令賊人有機可乘。
「三無大廈」因為缺乏基本保安設施，較易成為爆竊目標，警方呼籲居民多啲鄰里互助，留意陌生人出入，同時考慮加裝窗花、防盜眼及智能感應燈，從源頭提升家居安全。
警民合作，就係防範罪案的最強防線！
荃灣警區會持續走訪各類樓宇，推動警民聯防，共建更安全社區！
小編提提你：保持警覺、鎖好門、做個醒目荃灣人、唔好畀賊人有機可乘！
@