@ 
8月26至31日期間，離島青年發展網絡喺離島民政助理專員歐陽穎心帶領下，與36名學員前往日本關西進行6日5夜考察交流活動。
學員探訪咗中國駐大阪總領事館，總領事薛劍詳細分享咗對中國與日本兩地關係同中國經濟發展嘅睇法，更勉勵學員要把握國家機遇，積極裝備自己，為國家作出貢獻。
學員們亦體驗咗一日寄宿家庭之旅，與當地家庭深入交流中國同日本文化。其後又參觀咗伏見稻荷大社、祉園文化街、大阪城等，仲去咗明治工場同黑潮市場見學，同市場負責人深入交流，了解日本經濟情況。一眾學員亦參觀大阪市立阿倍野防災中心，學習遇到自然災害時嘅自救方法。
交流團其中一個重點係義工服務，學員喺一個寄宿家庭嘅桔園，擔任農業義工工作；更難得嘅係有幸參與世界文化遺產熊野古道道路修復工作，大家齊心協力為古道重現往時面貌，學習到世界文化遺產嘅保育工作。
學員更探訪當地高中橋本高校，同當地學生一齊上堂，體驗日本高中教學文化，向佢哋介紹香港文化特色，最後仲一齊體驗咗茶道同古琴。
交流活動圓滿成功，學員除咗參與唔同義工服務，仲同日本當地居民學生深入交流。大家分享時都話獲益良多同好有滿足感。
