@ 
早前（6/4），九龍仔公園足球場充滿熱血與歡呼！由國際獅子總會中國港澳303區主辦嘅「獅子會全港青少年五人足球賽2026」順利舉行！恭喜所有得獎隊伍，亦為所有落力比賽嘅運動員熱烈鼓掌！
今年比賽吸引咗48支熱愛足球嘅青少年隊伍參賽，包括U8至U14組別，各組別球員喺球場上互相追逐，切磋球技。雖然年紀輕輕，但腳法細膩之餘，戰術運用亦非常靈活，展現出無比嘅拼勁同團隊合作精神！
九龍城民政助理專員張彥喬獲邀出席頒獎禮，頒發獎項予獲獎隊伍，嘉許球員嘅出色表現。佢哋充分體現咗「堅持、不放棄、積極向上」嘅體育精神，令人非常鼓舞。
運動除咗強身健體，亦為青少年建立自我認同，培養正確嘅人生觀。九龍城民政處將持續舉辦青年活動，鼓勵佢哋透過運動培養正面價值觀，發揮所長。
