@ 
有無諗過喺維港玩大型水陸競技呢？Splash夏水樂啱啱喺25/8就幫三千人次實現願望啦！活動史無前例喺維港同灣仔水上運動及康樂主題區舉辦，夠晒特別！
Splash夏水樂屬青年節@HK活動之一，由灣仔民政處同灣仔區青年發展及公民教育委員會主辦，參加者一邊喺維港水面玩大型充氣障礙，一邊欣賞一望無際嘅海景，真係冇得輸呀！如果玩水都唔夠，我哋喺陸上都設有大型充氣障礙，更特設親子組，畀一眾爹哋媽咪帶埋仔女，全家總動員一齊玩！仲未盡興嘅仲可以玩埋以體育為題嘅攤位遊戲。
玩得開心之餘，我哋都好關心參加者嘅安全，感謝民眾安全服務隊、聖約翰救傷隊同埋一眾專業救生員提供全面協助，畀所有參加者都可以玩得開心玩得盡情
。
。活動由民政總署贊助、海濱事務委員會協辦，以及香港遊艇會支持。
