大埔民政處統籌跨部門聯合清理違泊及棄置單車行動

大埔民政處會聯同大埔地政處、食環署及警務處，每月定期喺區內清理違泊單車。

大埔區議會食物環境衞生委員會關注區內唔少欄杆有違泊及破爛嘅棄置單車。為改善市容，大埔民政處分別於21-23/8、28-29/8、5/9同9/9統籌咗一連串跨部門聯合行動，清理區內欄杆位置嘅違泊及棄置單車，一共發出過千張告示同撿走三百多架違泊單車。

區內欄杆位少咗違泊棄置單車，通道即刻變得闊落乾淨咗。大家都行得舒服啲、安全啲。

大埔民政處會持續留意區內違泊單車情况，聯同相關部門進行跨部門聯合清理違泊單車行動。