@ 
東區特色地標香港海防博物館喺中國人民抗日戰爭勝利紀念日喺9月3日改設為「香港抗戰及海防博物館」，重點介紹抗戰歷史及香港嘅海防同軍事變遷，彰顯「抗戰」與「海防」 嘅保家衛國中心主題，深化根國情懷，️提升市民尤其係青少年嘅民族自信同愛國精神 。
東區民政專員陳尚文聯同一眾東區青年社區建設委員會委員喺9月11日把握時間，率先參觀博物館同剛推出嘅「攜手抗敵：東江縱隊在深港地區的抗戰活動」專題展覽。感謝康文署館長張雅茵為委員親自導賞介紹東江縱隊於深港兩地嘅人民抗戰事蹟及抗戰英烈嘅貢獻，大家都深深感動，向抗日先烈致敬。
參觀行程完畢後，委員隨即進行東區青年社區建設委員會會議，就食環署「東健道公廁美化工程」提供寶貴意見；亦對房署代表就榮獲多項建築大獎嘅「柴灣華廈邨 ~ 歷史建築活化保育」介紹踴躍發問，了解被評為二級歷史建築 ，香港碩果僅存嘅一座H型建築設計柴灣工廠邨大廈改建而成華廈邨嘅歷程。活化工程盡量保存咗工廠大廈嘅文物特色，同時為呢座歷史建築賦予新生命。
趁秋高氣爽，大家不妨抽空蒞臨東區，參觀香港抗戰及海防博物館，傳承同弘揚愛國主義精神；亦可走訪柴灣華廈邨地下嘅展覽區，欣賞呢個活化項目別具特色嘅元素。
