@ 
精神健康問題越趨普遍，而缺乏認識往往帶嚟標籤、歧視，以及諱疾忌醫等問題。關愛隊經常與市民接觸，增進精神健康知識可為社區帶嚟正面影響。
葵青區關愛隊喺8-9月期間參加咗由醫務衞生局安排為期4堂嘅「精神健康急救」標準課程 。課程教授咗日常生活態度及行為舉止，例如溝通時應有適當嘅眼神接觸、聆聽時避免批判、多從對方及不同角度思考、接納不同、學懂幫自己或其他人求助等。課程內容實用，對日後地區工作好有幫助。
葵青民政專員兼葵青關愛隊總指揮鄧顯權早前(12/9)亦身體力行一齊上堂學習，為關愛隊隊員打氣及頒授證書，見證隊員畢業 。專員勉勵隊員學以致用，期待大家更關心自己及身邊人，共同建立一個更包容、更和諧嘅健康社區。
@