@ 
月亮代表我的心～中秋節將至，愛心滿滿嘅東區關愛隊安排咗一連串節慶活動，繼續傳遞關懷，一齊嚟睇下有幾warm啦 ！
中秋點可以無月餅？東區關愛隊評審及統籌小組成員，同和富、炮台山、筲箕灣同興民關愛隊一齊去「愛在中秋探訪」，為區內居民送上祝福同月餅。而東區關愛隊總指揮兼東區民政專員陳尚文就聯同上耀東關愛隊到耀東邨探訪老友記，見到佢哋健康又有活力真係好開心！大家走遍東區，齊齊過一個温馨中秋。
多元嘅關愛隊又點只探訪呢！炮台山關愛隊早前就舉辦咗「迎中秋 賀國慶 地壺同樂盃」活動，透過地壺傷健共融，大家不分年齡同身體狀況，都一齊輕鬆玩樂，盡情發揮才藝，真係好好feel！
計仔多多嘅丹拿關愛隊亦舉辦咗迎中秋·「剪」新姿活動，多位熱心義工為居民修剪髮型，畀街坊靚住過中秋！
活力十足嘅興民關愛隊亦舉辦咗「迎中秋‧賀國慶，街坊好友敬老聯歡」。除咗有武術、傘舞表演等，仲邀請咗柴灣多隊關愛隊一齊上台大合唱！一班老友記都好投入，感受歡樂氣氛！
東區關愛隊會繼續舉辦唔同活動，將歡樂、關愛傳遍每一個角落，共創更多美好回憶！喺度先預祝大家中秋節快樂，團團圓圓，生活美滿幸福！
@