@ 
為慶祝新中國成立75周年，中西區嘅慶祝活動一浪接一浪，而27/9除左正式開放獅頭紮作展覽畀公眾參觀外，亦都迎嚟中西區各界協會創會三十周年及第十六屆會董就職典禮。
1) 慶祝中華人民共和國成立75周年 傳承中華優秀傳統文化 - 獅頭紮作展覽
中西區民政處由27/9起至13/10，每日上午9時至下午9時喺金鐘太古廣場L1層Park Court舉辦「慶祝中華人民共和國成立75周年 傳承中華優秀傳統文化 - 獅頭紮作展覽」，希望藉活動推廣非物質文化遺產「紮作」及中華優秀傳統文化，同市民共賀國慶！
中西區民政專員梁子琪亦喺26/9聯同立法會議員姚柏良、陳學鋒、港區全國政協委員葉永成、中西區區議員、「三會」及青年委員會正副主席、香港太古地產副董事（公共事務）林珩等率先參觀展覽。
今次展覽匯聚跨代、嚟自老字號嘅紮作師傅，一共展出六款主題性獅頭紮作展品，將香港過去不同年代嘅獅頭紮作手藝同場展現。主題展品「開國大典獅頭」，以細膩傳統國畫手法配上獨特立體配飾，將國家立國前嘅重要歷程，寫喺獅頭上。
現場仲有互動環節，包括喜慶瑞祥即時拍照區、有奬問答遊戲及獅頭創作工作坊！大家記住把握機會，約埋親朋好友嚟欣賞精美嘅獅頭紮作展品及報名參加工作坊！
2) 香港中西區各界協會「慶祝中華人民共和國成立七十五周年暨協會創會三十周年及第十六屆會董就職典禮」
香港中西區各界協會自1994年成立以嚟，一直愛國愛港，致力團結各界人士為居民提供多元嘅服務，係中西區民政處緊密嘅合作夥伴。
為慶祝國慶7️5️周年及創會3️0周年，協會喺27/9舉行第十六屆會董就職典禮，邀請民政總署署長張趙凱渝、中聯辦港島工作部部長薛惠君、副部長楊成偉、中西區民政專員梁子琪、多位立法會議員及地區首長蒞臨主禮。
署長致辭時，感謝各界協會全力支持特區政府各項施政及工作，以及每年喺國慶及回歸，同中西區民政處攜手舉辦多項慶典活動。署長亦都多謝上任會長周超常嘅貢獻，並深信協會喺本屆會長夏中建嘅帶領下，定能繼續團結地區力量，與政府通力合作，共建和諧穩定嘅社區。
