@ 
全港最大嘅土瓜灣社區客廳於2024年9月13日正式開幕 。九龍城民政處同東華三院日前（26/9)合辦咗「『鮑』你食得好 烹飪工作坊」 。九龍城民政專員蔡敏君同一眾街坊喺土瓜灣社區客廳一齊炮製美食，交流烹飪技巧。
九龍城民政處一直集結社區資源同力量，為有需要嘅居民送愛送暖 ，加強社區嘅凝聚力。喺今次活動上，街坊發揮小宇宙，用民政處帶嚟嘅罐頭鮑魚煮出一道又一道嘅佳餚美食。蔡專員感謝東華三院同事嘅悉心安排，促成今次別具意義嘅烹飪工作坊。
社區客廳嘅朋友們齊心協力，用心烹調全「鮑」宴，菜色包括一品煲、鮑魚滑雞粥、陳皮蒸鮑魚、鮑魚汁淋生菜以、鮑魚沙律等 。蔡專員與眾同樂，親自下廚同街坊一齊烹調鮑魚滑雞粥，大家都十分投入，煮出色香味俱全嘅佳餚，令人垂涎三尺。
喺溫暖又歡樂嘅氛圍中，大家共享美食，分享快樂。九龍城民政處會繼續同各個團體攜手合作 ，集結社區力量，努力增強居民嘅幸福感同獲得感 。
@ 