@ 
離島民政處及離島區防火委員會聯同香港消防處、民安隊及醫療輔助隊喺9月29日舉行咗跨部門火警演習 。離島區三會、區議會、關愛隊同地方團體嘅地區領袖亦應邀以觀察員身分參與。
演習模擬棚屋單位喺煮食時 失火 ，火勢及濃煙蔓延並波及附近建築物，引致有大量居民被困及等待救援 。參與部門隨即調派消防員救火及救援人員 展開拯救行動。行動中用到無人機 及救火船 協助搜索失蹤人士，亦運用AED機急救 傷者。
消防處大嶼山區（新界南）指揮官李偉昌喺演習後向大家匯報；中電派代表向出席者分享預防家居用電安全 心得 。
離島民政專員楊蕙心同李Sir其後馬不停蹄，帶領T01大嶼山關愛隊 及消防義工 到棚屋探訪居民，為佢哋安裝煙霧探測器 ，以及贈送手提滅火筒 ，同時亦提醒佢哋注意防火安全。而離島區防火會委員就聯同地區領袖，同步喺大澳區內向街坊派發小心山火單張 同埋防火宣傳品 ，提醒佢哋重陽節掃墓祭祖時小心火種，愛護郊野 。
離島民政處將繼續與相關政府部門同地方團體攜手 合作，定期舉行跨部門演習，加強各持份者嘅協作、應變同災後處理能力 。
@ 
@