@ 
1/10係國慶75周年嘅大日子，南區舉辦咗富有特色嘅漁家嫁娶活動。呢項係5年一度嘅盛事，邀請咗民政總署署長張趙凱渝、中聯辦港島工作部宣教處副處長黃鵬舉、多位立法會議員、南區民政專員兼南區區議會主席鄭港涌、同埋多位南區區議員到場支持。
活動重頭戲係重演昔日漁家嫁娶嘅傳統儀式，一系列程序如「介面」、「綉花」、「脫學」、「上頭燭」、「嘆家姐」、「鹹水情歌」及「過大禮」等都活現眼前。現場仲有織漁網工作坊，更可試穿傳統漁民服裝。參加者都大讚活動富有漁港特色，體驗到南區漁民文化。
南區大家庭最近有4隻國寶級新成員加入，活動又點少得熊貓呢！好多市民都嚟到「處處有熊貓」打卡點影相，仲好投入玩攤位遊戲，話要帶哂可愛嘅熊貓禮物返屋企！
為響應18區日夜都繽紛，活動期間派發咗由南區區議會印製嘅《無處不旅遊 南區攻略》，畀大家享受南區商戶消費優惠，食、玩、買一條龍歡度國慶！
