@ 
嘩！做乜咁熱鬧？！為慶祝國慶75周年，南區民政處同埋南區關愛隊30/9喺鴨脷洲風之塔公園舉行「南區國慶樂悠遊」活動。
中聯辦港島工作部副部長王卉、立法會議員陳學鋒、南區民政專員、南區區議會主席兼南區關愛隊總指揮鄭港涌、以及全體南區區議員都有出席支持活動，有歌手仲特別現身同居民分享生活樂趣。典禮後，專員連同民政助理專員陳芷羚及410名參加今次活動嘅南區居民，分開10架旅遊巴，啟程前往不同景點遊覽!
行程非常豐富，包括香港仔「百步梯」、南蓮園池、將軍澳南海濱公園、灣仔海濱長廊復古街燈、香港抗戰及海防博物館等。南區打卡點——香港仔「百步梯」係經本地藝術家同埋南區青年共同繪畫創作，盛載南區市民嘅集體回憶，又展現出對南區嘅歸屬感，大家都趁機打卡。
仲有不得不提嘅係3/9重新開幕嘅香港抗戰及海防博物館，以保家衞國為展覽主題，畀參加者對抗戰同埋中國海防歷史有更深入嘅了解。完咗上午行程後，大家獲安排享用豐富午餐，團友都話相當滿意。
今次活動由南區民政處同南區關愛隊合辦，並由民政總署撥款資助，亦有賴南區各界關愛及發展基金嘅鼎力支持。每位參加者喺行程完結後都有拎福袋留念，福袋入面有特別受歡迎嘅物品，包括有住喺南區嘅貴賓——熊貓環保袋、熊貓摺扇、印有「慶祝國慶75周年」嘅可摺疊膠水樽等。參加者都話，水樽環保又易帶，十分窩心。
