@ 
平時喺佐敦嘅油尖旺多元文化活動中心MAC，搞好多族裔共融嘅活動，但其實油尖旺區議會下設嘅”社區共融工作小組”，今年一開始就訂下多項活動，最近都陸續舉行：
1. 普通話班：由小小漢語普及愛教育基金主辦、民政處及區議會支持、新家園協會及嶺南大學合辦嘅少數族裔兒童普通話班，第一期課程已喺今年四月完成。
而第二期課程就喺上星期六展開。油尖旺民政專員余健強、小小漢語聯會主席劉倩婷及沈貝嘉、及特別嘉賓江嘉敏等都有到場支持。
2. 另一普通話班由香港回教信託基金總會主辦，油尖旺民政處及區議會工作小組合辦。
今年七至九月喺九龍清真寺為近百名少數族裔兒童及婦女，分別舉辦10節普通話班，余專員都客串咗一陣老師。
3. 平安咭班：九月尾就有工聯會職業發展服務處主辦，民政處及區議會合辦，少數族裔強制性基本安全訓練課程（俗稱平安卡）。
超過20名尼泊爾裔同巴基斯坦裔學員參加。區議員Aruna、李家軒、孫智敏及助理專員梁詩蔚，向通過考試嘅學員頒發”平安卡”。
而今年民政處”油尖旺區協助少數族裔人士計劃”嘅兩次活動亦已開始：
4. 新家園協會同Shaheen Sports Foundation喺8月開展嘅曲棍球訓練班，嚟緊仲會陸續有其他運動班；
5. 仲有循道衛理嘅關愛共融油尖旺計劃，唔同族裔嘅參加者互相介紹自己嘅節慶同飲食文化，仲有義工訓練及社區服務。
@