@ 
中西區賀國慶活動多籮籮。除咗有展覽、導賞團等，近日亦舉辦咗嘉年華同電競體驗日，畀更多市民一齊參與，同賀國慶。
1) 慶祝中華人民共和國成立75周年及第十四屆中西區區節系列：萬眾歡騰賀國慶嘉年華
為慶祝國慶75️周年大日子，中西區民政處及中西區區議會聯同中西區各界慶典委員會、香港島各界聯合會中西區地區委員會及第十四屆中西區區節統籌委員會合辦一系列活動，其中一項係6/10喺上環文化廣場、永樂街及摩利臣街舉行嘅「萬眾歡騰賀國慶嘉年華」。
行政會議非官守議員召集人及立法會議員葉劉淑儀、民政總署署長張趙凱渝、中聯辦港島工作部副部長楊成偉、中西區民政專員梁子琪、中西區各界協會首席榮譽顧問葉國謙、港區全國政協委員蘇長荣及葉永成等嘉賓蒞臨主禮，共享國慶喜悅。
嘉年華先由學校升旗隊進行嘅升旗儀式揭開序幕，台上嘉賓及場內觀眾莊嚴肅立，高唱國歌。
活動吸引好多一家大細同老友記嚟玩，齊齊樂在其中，度過一個愉快嘅周日。
2) 賀國慶及第十四屆中西區區節系列- 中西區電競體驗日
首屆電競奧運會將會喺2025年舉行。為畀更多區內居民感受電子競技運動嘅樂趣，中西區民政處聯同中西區推廣使用資訊科技委員會29/9喺西營盤社區綜合大樓禮堂舉行「中西區電競體驗日」，同時亦係2024年青年節@HK及中西區區節嘅其中一項活動。
場內設置各式各樣嘅電競遊戲，包括虛擬實境VR遊戲，以及多項運動遊戲，好似划艇、賽車、騎馬、平衡木等。無論小朋友定大朋友都玩得非常投入開心，促進長幼共融。
第十四屆中西區區節統籌委員會執行總監葉永成，以及委員會主席楊綺、副主席丁柏希及多位委員都齊齊到場支持。
同場仲有義工協助參加者下載政府部門同公營機構嘅應用程式，方便大家喺日常生活中使用。
