@ 
為響應青年節@HK，灣仔民政處及機電工程署合辦咗建「機」灣仔 － 青少年社區設施優化計劃，更獲灣仔區青年發展及公民教育委員會全力支持。計劃正密鑼緊鼓進行，由5月初開始到而家，12間參加嘅學校共170名學生已經進行咗工作坊同社區考察。
10月4日，鄧肇堅維多利亞官立中學嘅同學就走出校園，到灣仔「HarbourChill海濱休閒站」附近進行社區考察。同學仔運用喺STEAM設計思維工作坊學到嘅知識同訪談技巧，親身視察社區設施，並向市民進行訪問，感受同了解用家嘅真正需要，既可推動學生參與社區建設，又可以加強佢哋嘅公民意識，非常有意義。
當日所有同學都非常投入考察，佢哋將觀察到嘅社區情況同收集嘅意見轉化成設計意念，思考點樣可以喺公共空間中融入機電工程同能源效益嘅概念去優化社區設施，並就設計進行匯報。
最後每間學校會選出設計意念最突出嘅一組同學參加嚟緊喺11月2日舉行嘅灣仔社區設施優化比賽 ，同其他參與學校一較高下，真係好期待同學嘅設計作品！
