由黃大仙民政處及黃大仙區青年社區建設委員會精心籌劃嘅特色打卡地標終於面世啦 !

今日(19/10)一眾主禮嘉賓,包括中聯辦九龍工作部處長黃想平、黃大仙民政專員胡鉅華Thomas、民建聯會務顧問簡志豪、東九龍居民委員會會長何漢文、黃大仙區健康安全城市主席史立德、愛心全達慈善基金創會會長潘陳愛菁、黃大仙區青年社區建設委員會主席楊諾軒、黃大仙區學校聯絡委員會主席郭文坤、黃大仙區青年發展及公民教育委員會彭穎生、多名黃大仙區議員及地區委員會領袖等 ,齊集黃大仙廣場為打卡位主持揭幕儀式 !

打卡地標設喺黃大仙廣場 ,由大大小小LEGO組裝而成 ,仿如一個微型嘅黃大仙 !先映入眼簾嘅係一個採用中式建築風格及䋴合LEGO積木元素嘅特色門庭裝置 ,充分展現黃大仙「新舊交融、多元活力」嘅特色 。穿過門庭,就係以LEGO積木砌成嘅彩虹邨 、南蓮園池 、冬菇亭等特色地區地標,生動呈現本區獨特風貌 。

我哋亦展出區內中小學生早前喺「情牽祖國 繼往開來」黃大仙區中小學生砌LEGO大賽及
「家在大仙色彩萬千」繪畫比賽嘅得獎及入圍作品 。呢啲別出心裁嘅作品係由區內超過400名中小學生創作 ,展示黃大仙區學生嘅活力及創意 ,更流露出佢哋對黃大仙區、香港以及祖國嘅投入同熱愛 。
打卡地標由即日起至2025年1月中旬於黃大仙廣場開放 ,歡迎大家約埋摯友親朋嚟特色地標打卡 ,並暢遊區內其他特色景點 ,發掘好去處

發佈留言

您無須註冊,只需要提供電郵地址即可發表留言,您提供的電郵地址不會公開。 必填欄位標示為 *