@ 
《2024建築物管理（修訂）條例》將於明年13/7正式實施。為協助業主繼續做好大廈管理嘅工作，大埔民政處喺30/10聯同新界社團聯會大埔地區委員會及大埔區業主立案法團協會舉辦「大埔區大廈管理簡介會」，講解修例內容同其他有關大廈管理工作嘅重點，全方位支援業主。近100位來自近30個大埔區屋苑嘅業主立案法團主席、執委、管理公司代表以及大埔區議員出席。
簡介會內容豐富實用，除咗修例部分，仲有屋宇署代表講解「消防安全（建築物）條例」及市區重建局代表介紹「預防性維修資助計劃」，在場人士都了解到唔少大廈管理嘅資訊同相關知識。會後各持份者仲一齊分享意見及交流管理屋苑嘅心得，為大廈管理出一分力！
