@ 
青年興則國家興，青年作為香港嘅未來，佢哋嘅心聲，我哋一定會聽到！
南區民政處今日舉辦咗「青政同行」南區青年高峰會暨精神健康講座。民政及青年事務局 Home and Youth Affairs Bureau 副局長梁宏正、青年發展委員會副主席梁毓偉、委員陳穎文、李超宇、劉聖雪、南區民政專員兼區議會主席鄭港涌同南區區議員都出席咗高峰會，同超過80名南區青少年深入交流。大家仔細探討青少年精神健康、國民身份認同、就業前景等重要議題，亦提出好多有建設性嘅意見，畀政府更深切了解青少年嘅心聲同需要，今後繼續推出更廣更深遠、切合培養新時代青年嘅政策。
為呼應施政報告對青少年精神健康🩺嘅關注，南區民政處特意邀請咗精神科專科醫生陳啟泰到場主持青少年精神健康講座。陳醫生除咗為我哋釐清一般人關於精神健康嘅誤解外，仲分享咗幾招減壓小貼士，讓大家可以用正面態度去面對壓力同不快嘅情緒，充滿正能量咁去面對每一個挑戰！
喺交流會前，一眾嘉賓仲聯同南區青年發展及公民教育委員會、南區青年社區建設委員會，同南區青年團嘅青少年一齊喺街站宣傳民青局推出嘅 HKYouth+ 應用程式同民青局四個社交平台，仲派埋宣傳單張！今次已經係南區區議員同埋增選委員第三次透過街站宣傳HKYouth+ App，就係為咗大力推動青年投入社區🩵。大家快啲都下載啦！
@ 