@ 
大埔青網海陸空義工團11月密鑼緊鼓咁出動單車送暖義工同入村義診服務。
大埔民政專員陳巧敏聯同立法會議員郭玲麗11月9日率領30多名大埔青網、活力慈善基金及輔導專業義工隊義工聯同船灣小區關愛隊，以運動 派送關愛，連結社區 ！
一眾義工先踩單車 到大埔墟火車站及大埔工業邨收集本地食品製造商提供嘅飲品同點心，再前往船灣犂壁山村及汀角路山寮村，探訪20個長者家庭，將愛心同溫暖帶畀公公婆婆，仲探訪咗全村最長壽，108歲嘅婆婆同95歲嘅伯伯。婆婆伯伯身體依然壯健，仲同一眾義工分享長壽秘訣 。
大埔青網鄉郊義診義工就喺11月7日出動 ，再次聯乘救世軍大埔長者綜合服務中心及前大埔醫院行政總監文志賢醫生到訪寨乪村村公所 ，為村內公公婆婆進行鄉郊義診。各位老友記排排坐，耐心等候，逐一由大青義工為佢哋度高、磅重、量血壓、度血糖同血氧含量。醫生亦為有需要嘅老友記提供即場健康評估 ，以愛心守護長者 。
其他出席嘉賓包括船灣小區關愛隊隊長劉志成、活力慈善基金主席蔡偉清、海陸空義工團召集人張育文、洞梓村代表葉偉兒及犂壁山村代表羅安。
大埔青網義工喺服務期間向青年義工推廣HKYouth+ app! 我哋都download咗啦，你呢 ？嚟緊大埔青網單車送暖義工團陸續都有服務！唔想遲咗報名，又想第一時間收到最新活動資訊？快啲透過民政及青年事務局 Home and Youth Affairs Bureau最新手機apps HKYouth+ 登記！
@ 
@