@ 
為慶祝中華人民共和國成立75周年及加強地區人士對內地地區治理嘅認識，深水埗地區工作者上周末 (8-10/11) 參加咗「慶祝中華人民共和國成立75周年暨廣佛地區治理考察團」。
一眾深水埗區議員、分區會委員及關愛隊成員齊齊到廣州、佛山考察交流，拜訪當地黨政機關及企業，包括參觀無人機公司、國家景區永慶坊、黃埔軍校、劇院，從科技、軍事、文化、藝術等各方面了解祖國發展。
行程亮點之一係黃埔軍校。學校今年慶祝創校100周年，團員欣賞咗一套沉浸式話劇，以嶄新方式認識學校嘅歷史同精神。
除此之外，考察團仲拜訪咗當地街道綜合指揮中心，同當地領導交換地區治理經驗。隨後更到訪廣州幸福里及黃埔同心港，考察舊區改造及網格化治理，希望可以為深水埗社區同議會帶嚟更多啟發，完善地區網絡協作，做好地區服務，做到「家和萬事興」。
察團由深水埗居民聯會、九龍社團聯會及深青社喺合辦；深水埗民政專員黃昕然、立法會議員梁文廣及深居聯理事長陳偉明亦有參與考察。各團員都表示今次嘅考察獲益良多，除咗加深對大灣區發展嘅了解及提升民族自信，亦可參考內地有效治理概念並應用於社區，進一步提升地區管治質素及令市民擁有幸福感。
