@ 
1 油尖旺民政處尋日（10/11）同油尖旺健康城市執行委員會同醫護誠信同行，合辦油尖旺區健康日。
現場除咗有多位專科醫生主持講座，仲有行政會議成員高永文醫生向在場約250名參加者介紹政府嘅健康藍圖。
其他主禮嘉賓包括立法會議員林哲玄醫生、油尖旺民政專員余健強、委員會主席王子成同醫護誠信同行主席王予婷醫生。
2 上星期六（9/11），民政處同油尖旺道路安全運動統籌委員會合辦城市定向比賽。
余專員、委員會主席林靜詩同活動召集人黃保勤喺麗澤中學嘅起點，為比賽鳴槍，超過 140個參加者行勻油尖旺13個打卡點。
3 另外，為咗配合香港滑浪風帆公開賽喺尖沙咀嘅賽事，民政處上個禮拜同青途合辦一系列社區推廣活動。
參賽嘅奧運獎牌得主到區內學校同同學分享，我哋仲帶各國運動員深度漫遊油尖旺。
