@ 
成功挑戰！大埔區全方位參與今年嘅樂施毅行，以運動團結社區！
大埔青網今年派出3隊毅行者，一行12人，成為全區熱話！大埔民政專員Eunice同大埔青年網絡副主席Peter親身上陣，喺15/11出發踏上毅行旅途！面對預料之外嘅惡劣路況及天氣，無一隊放棄參賽，感動全城！
面對覆蓋幾吋厚嘅泥漿同水氹嘅山路，以及颱風過後嘅大雨，大埔青網毅行隊用行動話你知，乜嘢係「高山低谷，毫不退縮」！大埔毅行隊憑著隊員間相互支持，頂住最惡劣嘅環境、捱過人性最大嘅弱點，成為真正毅行者！經過漫長嘅102公里，超過44小時，以堅毅嘅意志，最後一隊青網健兒喺17日清晨約6時多，順利到達屯門哈羅國際學校終點完成賽事。
