北區街坊睇粵劇 「粵」睇越開心

查撐、篤撐！粵劇揉合咗文學、戲劇、曲藝、舞蹈同武打，仲列入咗聯合國教科文組織嘅非遺產名錄，係珍貴嘅文化瑰寶！北區民政處每年都會主辦「粵」睇越開心粵劇欣賞會，滿足北區嘅戲迷㗎！

今年嘅欣賞會喺上星期四至六（14-16/11）一連3日喺北區大會堂舉行，為戲迷呈獻6個劇目，包括《梟雄虎將美人威》、《大鬧廣昌隆》、《花田八喜》、《胭脂巷口故人來》、《征袍還金粉》同埋《洛神》。演出陣容鼎盛，文武雙全嘅粵劇名伶傾巢而出，包括吳仟峰、謝曉瑩、吳立熙、高麗、一點鴻、司徒翠英等，施展渾身解數！