@ 
Top Nova音樂旋風 又吹到觀塘喇 ！承上年嘅聲勢 ，今年Top Nova邀請咗近30隊本地歌手同樂隊組合，喺上個周末（15-17/11） 一連三日喺觀塘海濱花園 演唱 ，歌曲風格各具特色，帶畀現場觀眾極級音樂享受 。日間節目仲有唔同嘅攤位同工作坊。現場觀眾可以一邊食住爆谷，一邊聽音樂，一邊體驗唔同嘅中、西樂器 ，參與音樂互動遊戲 。
中聯辦九龍工作部副部長祝小東、立法會議員鄧家彪、觀塘民政專員何立基、香港廣西社團總會會長文穎怡、觀塘區議會青年委員會主席鄭強峰以及香港廣西僑界同鄉聯誼總會會長李承哲為音樂節主持啓動儀式 。主禮嘉賓將音樂符號 同樂器 投入Top Nova大型音箱，寓意為觀塘嘅音樂發展注入能量 ，為所有熱愛音樂嘅年青人打氣 ！
風聲雨聲都擋唔住熱血年青人嘅音樂聲 。觀塘民政處會繼續為年青人籌劃更多好玩又正向嘅活動 ！
