屯門區大廈管理座談會2024

為協助區內大廈管理組織做好大廈管理工作，屯門民政處22/11聯同屯門區議會社會福利及房屋委員會轄下工作小組為業主立案法團、業主委員會同管理公司嘅代表舉辦咗大廈管理座談會。講座內容豐富，包括由律師分享《建築物管理條例》財務方面嘅要求同案例、屋宇署講解強制驗樓驗窗計劃、機電工程署介紹樓宇電力安全，以及屯門民政處簡介《2024年建築物管理（修訂）條例》。大家喺問答環節都有積極討論互動。

屯門嘅區議員都好關注同積極參與大廈管理事宜，有不少區議員出席參與支持，大家齊齊溫故知新，對大厦管理相關事宜有更深入認識，相信日後協助居民處理大廈管理問題嘅時候，就可以更得心應手。