@ 
前日(11月30)大家嚟到灣仔警署同港島總區衝鋒隊基地參觀呀！
唔知大家知唔知道平時軍裝巡邏小隊嘅警察開工之前有啲乜嘢要準備呢？就係喺槍房拎當更要用嘅裝備同埋喺訓示室做更前訓示啦！所以大家就近距離參觀咗槍房同訓示室，俾WCH JPC了解一下軍裝警務人員嘅當更日常！
中段嘅休息時間，大家仲去咗灣仔禮品廊，見到好多會員都忍唔住要買小精品添！
之後大家就去到港島總區衝鋒隊基地參觀，除咗有得了解衝鋒隊嘅日常工作之外，仲可以試坐警車、試着俗稱「黑人裝」嘅保護衣啊！期間大家仲玩咗好多有獎問答小遊戲，每個會員都好踴躍好聰明，拎咗好多獎品啊！
