@ 
大埔吐露港公路2/12傍晚發生多車相撞意外，多名傷者需送院治理。
事發正值放工時段，受傷市民嘅情況無疑令家人焦急。大埔區新富及怡富小區關愛隊即時趕往大埔那打素醫院設立支援站，為傷者及親屬提供援助。
喺傷者等候接受進一步檢查期間，關愛隊主動關心佢哋嘅情況。除咗送上乾糧及水，亦提供口罩、毛氈及充電器，方便佢哋向家人報平安。此外，關愛隊亦協助傷者親屬與院方溝通，紓解親友嘅憂慮。
關愛隊喺突發情況下迅速伸出援手，傷者都大讚佢哋嘅支援到位又暖心。有傷者打電話同家人報平安嘅時候話：「呢度好好，有關愛隊」！真正做到「民政幫到你」。
大埔民政處及大埔區關愛隊會隨時候命，為有需要嘅居民提供適切支援。在此祝願受傷市民早日康復出院！
