@ 
今年5月，灣仔民政處、灣仔區議會聯同利園協會傾力籌辦「18區日夜都繽紛」活動「流行共響節 Urban Jam Festival」，5日共錄得超過60萬人次到訪。活動近日更喺業界賽事榮獲｢卓越盛事｣(Excellence in Mass Event)銅獎，肯定政、商、民嘅共同努力。「流行共響節」展現三方緊密協作，充分利用各方資源，在規劃、選材以至推行方面都合作無間，攜手帶起熱鬧氣氛，提振地區經濟。
銅鑼灣係時尚潮流集散地，區內老店潮店並列，復古與時尚相互啟發，形成獨特嘅社區風貌。「流行共響節」係以都市文化、音樂及美食作主軸嘅特色露天市集，呈現銅鑼灣嘅獨特魅力。開幕當日，政務司副司長卓永興 WH Cheuk、民政及青年事務局 Home and Youth Affairs Bureau局長麥美娟及民政總署署長張趙凱渝更親自到訪。
活動貫穿銅鑼灣核心地段：
- 白沙道Urban Culture：近年時興嘅Barber與上海老式理髮店、經典古董電單車及古著時尚等躍上街頭，集型格、懷舊與生活美學於一身
- 恩平道Urban Flavours：傳統到新興嘅各式美食締造味蕾饗宴
- 啓超道Urban City Beats：音樂與藝術表演共響街頭，展現舞台魅力
灣仔民政處同灣仔區議會衷心感謝灣仔區議會、多個政府部門、地區同商界夥伴，以至每一位訪客嘅支持同參與，讓「流行共響節」呢個同享共樂嘅活動得以實現。灣仔民政處同灣仔區議會繼續致力服務社區，促進地區建設同發展，提高居民嘅生活質素。
Marketing Excellence Awards 2024 Hong Kong由MARKETING-INTERACTIVE主辦，係喺香港賽區嘅第十三屆賽事，評審團由業界領袖同資深市場營銷人員組成。
@ 
@