@ 
由西貢區體育會 主辦、西貢民政處、康文署協辦、華永會冠名贊助嘅「西貢區10公里公開長跑暨2公里親子歡樂跑2024 / 25」於15/12喺將軍澳運動場圓滿舉行 ！活動吸引超過1,200名跑手及家庭成員參與 ，場面熱鬧 ，充滿健康與和諧嘅氣氛。
活動邀請咗西貢民政專員馬瓊芬、華永會外部事務委員會委員徐小龍、康樂及文化事務署西貢區康樂事務經理李麗嫦、西貢地政處總地政主任黃逸强、西貢區體育會會長張萬添、主席麥顯坤、副主席陳權軍、西貢區鄉事委員會第一副主席張土勝及籌備委員會召集人張天送擔任起步禮 主禮嘉賓！一眾嘉賓鳴槍為活動揭開序幕 ，並為參賽者加油打氣 ，充分展現社區凝聚力與活力!
今次活動亦係青年節項目之一。喺10公里及5公里公開長跑比賽中，跑手們唔止挑戰體能 ，更可沿途欣賞將軍澳嘅優美景色 ，衝過終點嘅一刻仲贏得現場觀眾嘅熱烈掌聲 ！
今年更首辦西貢地區治理盃 2公里競跑賽，邀請一眾西貢區議員、 3會、關愛隊、西貢青年發展及公民教育委員會及西貢區青年社區建設委員會委員落場角逐， 並與2公里親子歡樂跑比賽一同出發，家長與孩子們攜手上陣 ，共同完成2公里歡樂跑。現場氣氛既溫馨又充滿愛與活力!
呢場盛事唔止係一場跑步比賽 ，更加係促進健康生活方式、加強社區凝聚力嘅完美體現 。期待明年與大家再見!
