@ 
棍網球狂熱強勢登陸！南區掀起新一波體育熱潮！
15/12嘅「國際超級棍網球六人賽」喺香港仔運動場圓滿舉行 ，現場氣氛熱血沸騰！ 10支頂尖隊伍，包括中國、德國、日本、菲律賓、同中國香港隊等等，為男子組及女子組展開咗精彩激烈嘅冠軍爭奪戰！南區民政助理專員Samantha同現場及線上觀眾一齊見證咗男子及女子組冠軍嘅誕生
棍網球呢項運動有型又刺激，球員手持連網長棍（Lacrosse Stick）傳球、接球、射門，每一場比賽都節奏明快，無論係激烈碰撞，定係細膩技巧，都令人目不轉睛！ 比賽現場刺激程度分！
精彩比賽一完，南區民政處就趁機推廣「南區無處不旅遊」。Samantha今日（16/12）帶住17位國際選手一齊去咗「香港仔‧海陸導賞團」，宣傳香港仔嘅歷史同文化。行程開始嘅時候，南區民政處仲為大家送上大熊貓紀念品，並介紹啱啱喺香港出世嘅雙胞胎BB。行程包括參觀洪聖廟、坐舢板遊覽香港仔避風塘 ，飽覽漁港美景，仲認識埋水上人家嘅生活故事！ 行程最後，見到球員都玩得咁開心，助理專員就叫佢哋介紹多啲朋友嚟香港玩～
