@ 
日前(14/12)，荃灣防火會聯同消防處 及汀深關愛隊喺區內進行冬季防災應急宣傳，到深井一帶寮屋區向長者及居民派發「防火三寶」福袋，即滅火筒 、滅火氈及獨立火警偵測器。今次嘅「防火三寶」引入咗更輕便易用嘅「水基滅火器」 ，方便居民喺危急時撲滅家居電火 、油火 。荃灣防火會主席馮卓能、副主席王健文，以及汀深關愛隊隊長何毅強亦有一齊參與。
家訪時，消防處代表 更即時為居民進行 家居火警隱患評估 ，包括視察 家居雜物阻塞通道 、插蘇 負荷過重或有短路風險 等問題，同時亦為居民安裝獨立火警偵測器 ，提升家居消防安全 。此外，關愛隊亦向居民派發福袋紀念品 ，送上祝福 。
今次嘅「防火三寶」行動，「荃」城響應，凝聚咗政府部門同地區力量 ，喺風乾物燥 嘅季節，送畀有需要嘅居民，宣傳防火信息 ，令居民嘅生命財產 更有保障 。
@