@ 
離島民政處同離島區防火委員會，喺14/12聯同香港消防處、民眾安全服務隊、醫療輔助隊同香港紅十字會等機構，喺東涌東海濱長廊舉行「慶祝中華人民共和國成立75周年暨離島社區防災應急嘉年華」，吸引咗超過 名市民參加。
署理離島民政專員莫望塵、離島區防火委員會主席王舜義、副主席黃頌行、消防處大嶼山區指揮官李偉昌、署理助理救護總長譚傲然、香港紅十字會備災及緊急應變策略委員會主席蕭粵中醫生、民眾安全服務處署理高級主任梁志成、醫療輔助隊總參事黃英強，同埋土木工程拓展署可持續大嶼辦事處總城市規劃師姚昱擔任活動嘅主禮嘉賓 。
嘉年華除咗有攤位遊戲 、消防車 救護車 展覽、消防儀仗隊表演 、免費小食 之外，大會仲安排咗災難應變救援隊救援示範、搜救犬 示範、參觀滅火輪 模擬火災逃生迷宮 ，仲有小朋友最愛嘅滑梯 、彈床、扭波波 。
現場有大量精美設計嘅打卡佈景板，小朋友仲可以試穿消防員 同救護員 嘅制服，而大人亦都可以坐上消防電單車 打卡 。大家玩得盡興之餘，亦都學到唔少防災應急 嘅知識，一齊度過有意義又愉快嘅周末。
適逢消防處亦都喺今朝公佈咗全新嘅「消防處社區應急先鋒」計劃詳情 ，離島區防火委員同埋地區人士仲率先報名響應 成為準先鋒添！
