@ 
油尖旺民政處好開心有份接待特首喺佳節前(18/12)，嚟到尖沙咀海傍同市民、遊客互動交流。除咗熊貓展，西九文化區就舉辦緊聖誕市集，仲有全城最高嘅聖誕樹。
喺西九市集（近M+博物館），民政處搵咗油尖旺多元文化活動中心MAC開檔，售賣少數族裔製作嘅產品，去到12月29號咋，油尖旺民政專員Edward 都有去幫襯。
油尖旺民政處仲轉贈咗唔少聖誕禮物 ：
1.Edward 專員今日（20/12）應邀到雋𣾀幼兒學校，向小朋友送上新鮮出爐嘅油尖旺熊貓公仔，多謝滅罪會主席Kenny 贊助。
2.Edward專員亦同蔥動全人教育基金會，帶禮物參加東華三院包玉星學校同油蔴地街坊會學校嘅聖誕party，捐贈者Luther都有幫手派禮物。
3.小小漢語普及愛教育基金今日就帶油尖旺嘅少數族裔朋友去摩天輪旁邊嘅嘉年華。
4.另外亦多謝香港青年聯會贊助，畀油尖旺青年喺《多想和你再見一面》嘅首映日去尖沙咀戲院睇戲。
而尖咀西、佐敦南及佐敦北關愛隊之前就合辦《拼命三郎》電影試映會，套戲有唔少場面取景油尖旺。
5.民政處過去幾個聖誕節，都同區內服務少數族裔嘅NGO合作，創作具地區特色嘅電子賀卡。今年都唔例外，一次過喺度同大家重溫吓。
@