@ 
喺12月20日，荃灣警區輔警周年進修訓練結業會操典禮 ，並由荃灣區少年警訊名譽會長會主席陳耀星擔任檢閱官，新界南總區指揮官麥展豪 助理處長、荃灣區指揮官羅家康 總警司、荃灣民政事務專員區家盛及一眾社會賢達、耆樂警訊老友記 、少訊會員 出席支持 。今次結業會操典禮，共有72名輔警警員成功完成輔警基本訓練以及144位荃灣警區嘅輔警警員 接受7天進修周年訓練。
結業會操典禮，由周年進修訓練指揮官輔警署理警司趙智輝帶領全體輔警人員進行中式步操，並由陳主席主持檢閱及致辭，陳主席讚揚 各輔警人員 多年以來表現專業，支援正規警隊日常嘅前線工作及處理大型活動嘅人群管理，喺維護香港 治安同秩序中，擔當住非常重要嘅角色，並勉勵人員將所學所知 ，充份善用喺日常警務工作上，繼續為市民提供優質服務，共同使香港 繼續成為全世界最安全城市之一。最後，由陳主席頒發喺今次周年訓練中獲得到傑出警長及警員獎項 ，表揚兩位得獎人員 嘅傑出表現。
感謝荃灣區輔警師兄師姐 付出佢哋工餘時間，每年接受法定訓練 及支援正規人員嘅警務工作，為荃灣社區出一分力 ，守護荃民，再次祝福 各位工作順利！
